Tag Archives: Sexism

ஜில்லெட்டின் படை வீரர்கள்

no-68481_640

சமீபத்தில் ஜில்லட் நிறுவனத்தின் படைவீரர்கள் தேவை எனும் ஒரு விளம்பரத்தைக் காண நேர்ந்தது. பெண்கள் தினம் என்பது ஆண்களின் தினமாக, ஆணாதிக்க ’பெண்மை’ போற்றும் தினமாக, பெண்களுக்கு ‘லஞ்சம்’ கொடுக்கும் தினமாக மாறிவிட்ட சூழலில், இந்த விளம்பரம் என் கவனத்தை ஈர்த்தது.

அந்த விளம்பரம் என்ன சொல்கிறது:

ஆங்கிலத்தில்:

Soldiers Wanted not to guard the borders

Not to go to war

But to

Support the most important Battle of the Nation

To stand up for women

Because when you respect women

You respect your nation

Support the Movement

Gillette salutes the Soldier in You

தமிழில்:

// Because when you respect wome// – எனும் இந்த வரியை மொழிபெயர்த்தால், ஏனென்றால் நீங்கள் பெண்களுக்கு மதிப்பளித்தால் என்று வருகிறது ஆனால் நான் விளம்பரத்தைப் பார்க்கையில் என் காதில் பெண்களுக்கு வாய்ப்பளித்தால் என்று வந்ததாக நினைவு. (தவறாக இருப்பின் தெரிவிக்கவும்)

பெண்களுக்கு வாய்ப்பளித்தால் எனும் வார்த்தையில் உள்ள அரசியல் மிகவும் ஆபத்தானது ஏனென்றால் அது பெண்ணை ஆணிடம் இறைஞ்சிப் பெருபவளாக, ஆணே எல்லோருக்குமான ‘கடவுளாக’ சித்தரிக்கிறது. எதற்காக பெண்கள் ‘படைவீரர்களிடம்’ வாய்ப்பை எதிர்பார்த்து நிற்க வேண்டும். வாய்ப்பு கொடுக்கும் நிலையில் ஆண்களும், பெறும் நிலையில் பெண்களும் ஏன் இருக்கிறார்கள்?

அது அவ்வாறில்லை ‘பெண்களுக்கு மதிப்பளிக்க வேண்டும்’ என்று இருப்பதாகவே வைத்துக் கொள்வோம். அவர்கள் என்ன சொல்லி அழைப்பு விடுக்கிறார்கள் ‘பெண்களுக்கு மதிப்பளத்தல் என்பது தேசத்திற்கு மதிப்பளித்தல் என்பதாகும்’ என்று அறைகூவல். இதைவிட ஒரு நகைப்புக்குரிய ஒரு ‘முதலாளித்துவ கண்ணீரை’ நாம் பார்க்க முடியாது.

பெண்களுக்கு மதிப்பளிக்க இவர்கள் யாரை அழைக்கிறார்கள் தனி நபர் ஆண்களை. எவ்வகையான ஆண்களும், பெண்களும் இதில் இடம்பெறுகிறார்கள் என்பதை வைத்துப் பார்த்தாலே இது எந்த வர்க்கத்தைக் ’கவர’ எடுக்கப்பட்டிருக்கிறது என்பது விளங்கும். உண்மையில் ஒருவர் பெண்களுக்கு மதிப்பளிக்க விரும்பினால் முதலில் அவர்கள் தாங்கள் பயன்படுத்தும் சொற்களில் கவனமாக இருக்க வேண்டும். ‘படைவீரர்’ என்பதே  ’ஆண்மை’ எனும் ஆணாதிக்க கருத்தியலை முன் வைக்கும் ஒரு சொல். வீரர் என்றாலே அது ஆண் என்பதுதான் பொதுப் புரிதல். வீரராய் இருப்பவர்தான் பெண்ணுக்கு பாதுகாவலராக முடியும், அல்லது பெண்ணுக்கு பாதுகாவல் / மதிப்பளிப்பதென்பது வீரமிக்க செயல் என்று சொல்வது அபாசமான ஒன்றில்லையா?

பெண்ணுக்கு மதிப்பளிப்பதென்றால் என்ன?  பெண் விடுதலை என்றால் என்ன? பெண்மை என்ற பெயரில் அவளை ஆணாதிக்க வரையறைக்குள் இருத்தி ‘நீ பெண், நீ பெண்’ பெண்ணாய் இருப்பதாலேயே உனக்கு எல்லா சலுகைகளும், அங்கீகாரங்களும் கிட்டும் என்று  மன்மார்ந்த அடிபணிதலை வலியுறுத்துவதா?

ஆங்கிலத்தில் ஸ்டாண்ட் அப் ஃபார் வுமன் அதாவது பெண்களுக்காக துணை நிற்போம் (குரல் கொடுப்போம்) என்று பொருள். எந்த வர்க்கத்துப் பெண்களுக்கு, எதை வலியுறுத்தி இவர்கள் துணை நிற்க விரும்புகிறார்கள் என்றொரு கேள்வி எழுகிறது. வர்க்க பேதத்தைக் கூட விட்டுவிடுவோம். எதை வலியுறுத்தி இவர்கள் துணை நிற்கப்போகிறார்கள். இந்த விளம்பர நிறுவனத்தின் ‘பண்டத்தையே’ எடுத்துக் கொள்வோம், இது மயிர் மழிக்கும் ஒரு கருவி, இதுவரை அவர்கள் மயிர் மழிப்பது என்பது ‘ஆண்மை’, ஆணின் அடையாளம், அழகு என்றுதானே சொல்லி வருகிறார்கள். ஆனால் பெண்களுக்கான மழிக்கும் கருவியையும் இதே நிறுவனம் தயாரிக்கிறது, அதுபற்றிய பேச்சு எங்குமே இல்லை. (அதைப் பேசினாலும், அழகு, ஆணைக் கவர்வதற்கான ஒரே உத்தி என்றுதான் இருக்கும்).

அடுத்து இவர்கள் முன் வைக்கும் ‘படை வீரர்’ அடையாளம் – இதுதான் உண்மையில் உச்சபட்ச நகைச்சுவை, உண்மையில் படை வீரர்கள் / அவர்கள் மேல் அதிகாரிகள் தங்களுடன் பணி புரியும் பெண்களுக்கு விழைத்த பாலியல் தொந்தரவுகள் எத்தகையது என்பது யாவரும் அறிந்ததே. அஞ்சலி குப்தாவை நாம் மறந்திருக்க மாட்டோம். பூனம் கவுர், டிம்பிள் சிங்காலா ஆகியோர் மேல் அதிகாரிகளின் பாலியல் தொந்தரவு குறித்து புகார் செய்ததற்காக கோர்ட் மார்ஷியல் செய்யப்பட்டார்கள்.  சொல்லப்போனால், ஒரு சாதாரணக் குடிமகன் வன்புணர்வு, பாலியல் அத்துமீறல் செய்தால் ‘தூக்கிலிடு’ என்று கொந்தளிக்கும் ‘வர்க்கமானது’ இராணுவத்தினர் செய்யும் பாலியல் அத்துமீறலுக்கு (அது சக பணியாளரோ அல்லது பொதுமக்களிடத்தோ) மௌனம் காத்துவருவது வெளிப்படை.  இராணுவக் குற்றம் என்பது ஒரு அனுமதிக்கப்பட்ட ஒன்றாகவே இருக்கிறது. அவர்களுக்கென்று தனி விசாரணை முறை, தனி நீதிமன்றம். பாதிக்கப்பட்டவர் அக்குற்றங்களை வெளிக்கொண்டுவருவதில் தொடங்கி நீதிக்காக போராடுவது வரை அவர் எதிர்கொள்ளும் இன்னல்கள் சொல்லில் அடங்காது. பல வேளைகளில் அது தற்கொலையிலேயே முடிகிறது. ’இப்படிப்பட்ட படைவீரர்கள் பெண்களுக்குத் துணை நிற்பதா’ அத்தனை பலவீனமானவர்களா, முட்டாள்களா பெண்கள்.

(பெண்கள் வில்லன்கள்)

தெரிந்தோ தெரியாமலோ இவ்வளிம்பரம் ஒரு ஒப்புதல் வாக்குமூலத்தை அளிக்கிறது. ஆம், படை வீரர்கள் தங்கள் வீரத்தை பொதுமக்களிடத்து மட்டுமே காட்டுவார்கள். அதேபோல் இவர்கள் பொதுமக்களில் இருக்கும் ‘ஆண்களை’ அழைக்கிறார்கள். அஸ்ஸாம், ஜார்கண்ட், தண்டகாரண்யம் போன்ற பகுதிகளில் முதலாளிகளுக்கு நிலத்தைப் பிடுங்கிக் கொடுக்கும் மாபெரும் பணியில் ஈடுபடுபடுவதற்காக இராணுவ வீரகள் குவிக்கப்பட்டுவிட்டதால், பெண்களுக்கு பாதுகாப்பளிக்க, துணை நிற்க பொதுமக்களில் இருக்கும் ‘படை வீரர்களே’ எஞ்சியிருக்கிறார்கள் என்ன செய்வது.

பெண்களுக்கு துணை நிற்பது என்றால் என்ன? முதலில் பெண்களுக்கு மறுக்கப்படும் உரிமைகளை அதிகாரப்பூர்வமாக, சட்டபூர்வமாக பெற்று தருவதற்கு உழைப்பது, பெண் எனும் கருத்தியலை மாற்றுவதற்கான முயற்சிகளை எடுப்பது, பெண்ணை மதியுங்கள் என்று முழக்கமிடுவதற்கு பதில் பெண்களுக்கான உரிமைகள் குறித்த விழிப்புணர்வை ஏற்படுத்துவது என்று நீளும். முதல் சொன்ன அதிகாரப்பூர்வ மீட்பு என்பது ‘அரசிடம்’ இருந்து தொடங்க வேண்டும். முதலில் இவர்கள் 33% இட ஒதுக்கீட்டை நிறைவேற்ற சொல்லி பாராளுமன்றவாதிகளை நோக்கி குரல் எழுப்பலாம். AFSPA வுக்கெதிராக கடந்த 12 வருடங்களாக உண்னாவிரதம் இருக்கும் இரோம் சர்மிளா மீது தற்கொலை வழக்கு பதிவு செய்து, அவரை கைது செய்து, கைது செய்து உளைச்சல் தரும் அரசுக்கெதிராக ஒன்று கூடுவோம் என்று குரல் எழுப்பலாம். சாதி வெறி பிடித்து கவுரவக் கொலை என்ற பெயரில் பெண்களை எரித்துக் கொல்லும், அடித்துக் கொல்லும் செயல்களுக்கெதிராக ஒன்று திரள்வது, கப் பஞ்சாயத்து, கௌரவக் கொலை, பெண் சிசுக் கொலை, பெண் இனப்படுகொலை, குழந்தைத் திருமணம் (ஷரியத் சட்டம் உட்பட) இவைகளுக்கெதிராக விழிப்புணர்வு ஏற்படுத்துவது, இவைகளை தடுக்க அரசிடம் செயல்திட்டத்தைக் கோருவது, உழைக்கும் மகளிர் குறைந்த கூலிக்கு சுரண்டப்படுவதை, பெண்களின் இரட்டை உழைப்பைக் களைதல் என்று பெண்களுக்காக துணை நிற்க எவ்வளவோ பிரச்சனைகள் இருக்கிறது. இவையெல்லாம் அரசுக்கெதிராக களம் இறங்க வேண்டிய பிரச்சனை, ஜில்லெட்டும், அவர்கள் அழைக்கும் ‘படை வீரர்களும்’ இதற்கு தயாராக இருப்பார்களா?

பெண்களுக்கு துணை நிற்க ஆண்களை அழைப்பது சரி, பெண்களைக் கொடுமைபடுத்தும், வரதட்சனைக் கேட்டு கொலை செய்யும், பாலியல் தொழிலில் தள்ளிப் பிழைக்கும் தரகுப் பெண்கள், பெண்களுக்கெதிரான குற்றங்களைப் பதிவு செய்ய பெண்கள் காவல்துறையை அனுகினால் அங்கு ஆணாதிக்க கொச்சை சொற்களை உமிழ்ந்து அலைகழிக்கும் பெண்கள் இவர்களுக்கெதிராக, அல்லது இவர்களிடம் மாற்றத்தைக் கோர எவருக்கு அழைப்பு விடுப்பர்?

,

குறைந்தபட்சம் சித்திரகாடா சிங், மலாய்க்கா அரோரா ஆகிய ‘சதை விற்பனையாளர்களை’ முன் நிறுத்தி முதலாளிக் கண்ணீர் வடிப்பதையாவது நிறுத்திக்கொள்ள முடியுமா ஜில்லட் ’வீரர்களே’….

எங்களுக்கு பயில்வான்களோ, படைவீரர்களோ தேவையில்லை கனவான்களே, நண்பர்கள் போதும். உங்கள் ‘புஜ பலத்தைக் காட்ட’ எங்களை பலவீனப் பிராணிகள் ஆக்காதீர்…ஆண்களை அடியாட்களாக்காதீர் (gym boys!!)…

பெண்கள் ஆடுகளும் அல்லர், ஆண்கள் மேய்ப்பரும் அல்லர்….

 

Related Links:

http://facttruth.wordpress.com/2010/05/28/victimization-of-women-officers-in-indian-army/

http://www.huffingtonpost.com/2012/12/27/india-gang-rape-suicide_n_2370859.html

http://indianmilitarynews.wordpress.com/tag/sexual-harassment/

http://www.firstpost.com/india/code-of-injustice-silencing-sexual-assaults-in-the-military-660748.html

http://www.ndtv.com/article/cities/court-martialled-female-iaf-officer-commits-suicide-132943

http://syaanand.blogspot.in/2012/07/islam-act-matter.html

http://www.vinavu.com/2011/04/04/sharia-talaq/

A debate on the issue of Chinmay’s tweets, Opposite tweets and the following complaint…in Tamil

பாடகி சின்மயியின் சில கருத்துக்கள் அது தொடர்பான எதிர்கருத்துக்கள், அதைத் தொடர்ந்த ஆபாசப் பதிவுகள், ஆணாதிக்கப் பேச்சுக்கள், புகார்கள் கைதுகள் என்று தற்போது அரங்கேறியிருக்கும் ஒரு நிகழ்வின் மீதான விவாதம். – part 3

இந்தியப் பெண்களின் பிறப்புறுப்பும் கன்னித்தன்மையும் வியாபாரப் பொருளாகிவிட்டது !!! – இக்பால் செல்வன்

M.A.S.E.S condems 18 again product and the manufacturer Ultratech India and Priti Nair, director of Curry-Nation, the creative agency behind the advert,If you are in solidarity with us please send your condemnation mails to support@18again.com or call customer support +919172311111
Ultratech India says 18 again is India’s first, most advanced, femininity restoring cream. With exotic ingredients like gold dust and pomegranate, it has proven to be the most effective vaginal restoration cream available yet. 18 again has not only been created by top experts but also been approved by them and the FDA too.

இந்தியப் பெண்களே இனி கவலை வேண்டாம். பெரும்பான்மையான நீங்கள் கரும் மாநிறமாக இருக்கின்றீர்கள் என்ற ஆதங்கங்களை தூக்கி எறியுங்கள். வெள்ளை நிறமாக ஒரு முகப் பூச்சு – அடுத்து உங்களின்பிறப்புறுப்புக்களையும் வெள்ளையாக்கிக் கொள்ள இன்னொரு பூச்சு – அதுவும் போதாதா ! உங்களின் பிறப்புறுப்புக்களை இறுக்கமாக்கிக் கொள்ளவும் ஒரு பூச்சு என வகைவகையாக வந்துவிட்டது. இனி உங்கள் ராஜகுமாரான் உங்களைத் தேடி வந்து உங்கள் காலடியில் கிடக்கப் போகின்றார்.

ஒரு பெண் ஆணுக்காகவே படைக்கப்பட்டாள் என்ற கருத்தியல் சமூகத்தில் ஆழ ஊன்றியுள்ளது. அவளின் அதிகப் பட்சக் கடமை ஆணோடு கன்னித் தன்மையோடு புணர்வதும், அவனின் பிள்ளைகளைப் பெறுவதும், பேணுவதுமே ஆகும். கல்வி பெற்று விட்டாலும், வேலைக்கு சென்றாலும் அடிப்படைக் கடமைகள் மாறவில்லை என்பது மட்டுமே உண்மையாக இருக்கின்றது. பெண்களின் கல்வியும், வேலையும் கூட ஆண்களின் தேவைக்களுக்காகவே என்ற நிலை தான் நீள்கின்றது.

இந்திய மக்களின் பொது நிறமான கரும் நிறமும், மாநிறமும் ஒதுக்கப்பட்டதாகவே ஆக்கிவிட்டனர். காலம் காலமாக ஆரியர், கிரேக்கர், இஸ்லாமியர், ஐரோப்பியர் என அயலகத்தில் இருந்து வந்தவர்களின் வருணம் வெள்ளை என்பதால், அதிகாரத்தின் நிறம் வெள்ளை என்பது எழுதாத சட்டமாகி விட்டது. இருபதாம் நூற்றாண்டின் கல்வியும், சமூக மாற்றங்களும் கூட நிற பேதங்களை நீக்கிவிடவில்லை. வெளிர் நிற மோகத்தை பிற்காலத்தில் வந்த சினிமா, பத்திரிக்கைகள் முதல் இன்றைய இணையம் வரை நன்கு வளர்த்துவிட்டன. அந்த ஊடகங்களில் முக்கிய பங்காற்றியவர்கள் பலரும் ஆதிக்கச் சாதியினர் என்பதால் அவற்றை மாற்ற ஒருவரும் முயலவில்லை.

பெண்ணின் திருமணத் தேடல்களில் வெண்ணிறம் என்பது அனைத்து இந்திய ஆண்களின் எதிர்ப்பார்ப்பாக போய்விட்டது. வெண்ணிறம் கிடைக்காத பட்சத்திலேயே மாநிறம், கருநிறம் எனப் போகின்றது ஆண்களின் தேடல்கள். இனி வரும் காலத்தில் பத்திரிக்கைகளில் பெண் தேடுவோர் சாதி, மதம், கல்வி, வேலை, தோல் நிறத்தையும் தாண்டி – பெண்ணுறுப்பின் நிறமும் வெள்ளையாக இருக்க வேண்டும் அதுவும் இறுக்கமாக இருக்க வேண்டும் என்ற விளம்பரம் வந்தாலும் வியக்க வேண்டியதில்லை.

அட மூடர்களா ! இவர்கள் உங்களின் வீட்டுப் பெண்களை கேவலப்படுத்துகின்றார்கள். இப்போதும் மௌனமாக இருப்பீர்களானால் – நம் வீட்டுப் பெண்களை வன்புணர்வு செய்யவும் தயங்க மாட்டார்கள் இந்த சமூக வியாபாரிகள். இது ஒரு பெண்ணை உச்சக் கட்டமாக அவமானப்படுத்தும் செயலே ஆகும். ஒரு பெண்ணின் உடல் நிறத்தை மட்டம் தட்டிய சமூகம், ஒரு படிக்கு மேல் சென்று அவளின் பிறப்புறுப்பின் வர்ணத்தையும் மட்டம் தட்டும் வேலையில் இறங்கியது. ” பெண்ணுறுப்பினை வெண்மையாக்கும் கிரீம். இது உச்சக்கட்ட அவமானம்” என ட்விட்டரில் எழுதினார் ரூபா சுப்ரமணியம். இன்னும் பலர் இவற்றுக்கு கண்டனம் எழுப்பினார்கள்.

இதை விட கேவலமாக ஒரு பெண்ணை சித்தரிக்க முடியாது. கற்பு என்ற ஒரு கற்பனை விரிப்பை காலம் காலமாக சமூகத்தில் திணிக்கப்பட்ட வந்தது. அதுவும் அந்த கற்பு என்பது பெண்ணுக்குறிய அணிகலனாகவும், திருமணத்தில் கொடுக்கப்படும் அதிகப்படியான சீதனமாகவும் இருந்தது. ஆனால் இன்றையக் காலக்கட்டத்தில் அவை மாற்றமடைந்து வருகின்றன.

சராசரியாக ஒரு இந்தியப் பெண் முதன்முறையாக உறவுக் கொள்ளும் வயதானது 2006-யில் 23 என்ற நிலையில் இருந்து 2011-யில் 19.8 ஆக மாறிவிட்டது. திருமணத்துக்கு முன்னான களவொழுக்கம் என்பது இந்திய சமூகத்தில் மீண்டும் திரும்பி வருகின்றன. இந்த நிலையில் இந்திய சமூக மாற்றத்தில் ஆதாயம் காணவே இப்படியான கண்டுப்பிடிப்புக்கள் புகுத்தப்படுகின்றன.

 

இந்த பூச்சுக்காக வெளியிடப்பட்டுள்ள விளம்பர படத்தினைப் பார்ப்பீர்களானால் – ஒரு குடும்பத்த தலைவி வேலைக்கு செல்லும் கணவனிடம் தனது அல்குல் இறுகிவிட்டதாகவும், தான் ஒரு கன்னிப் பெண்ணைப் போல மாறிவிட்டதாகவும் துள்ளிக் குதித்து ஆடுகின்றாள். அவனும் அவளும் பெற்றோர், பிள்ளைகள் முன்னர் கட்டித் தழுவிக் கொண்டாடுகின்றார்கள். அதனை அங்குள்ள ஒரு சிறுவன் செல்பேசியில் படம் பிடிக்கின்றான். இறுதியில் அந்த வீட்டு முதியப் பெண்ணும் இந்த கிரீமினைப் பெற இணையத்தில் பெற முயற்சிக்கின்றாள். இந்தப் பூச்சும், அதற்கான விளம்பரமும் பெண்களை மொத்தமாக அவமானப்படுத்தும் ஒரு செயலே ஆகும்.

இந்த விளம்பரத்தை வெளியிட்ட கறி நேசன் நிறுவனத்தின் மேலாளர் நாகேஸ் பன்னஸ்வாமி கூறுகையில் இது பெண்களின் உடல் தேவையை பூர்த்தி செய்வது மட்டுமின்றி, ஒரு பெண்ணின் தன்னம்பிக்கையை வளர்க்கின்றதாம். அத்தோடு நோய் தொற்றுக்களை தடுப்பதாகவும் புளுகுத் தள்ளியுள்ளார்.

முதலில் அறிவியல் ரீதியாக நாம் சொல்ல விரும்புவது இயற்கையிலேயே ஆண் மற்றும் பெண்ணின் பிறப்புறுப்புக்களில் சுரக்கும் சுரப்பிகள் பல நோய் தொற்றுக்களைத் தடுக்கும் ஆற்றல் கொண்டுள்ளது. ஒழுங்காக குளித்து வந்தாலே நோய்த் தொற்றுக்கள் வர வாய்ப்பில்லை. அடுத்து இப்படியான பூச்சுக்களை தடவுவது பிறப்புறுக்களில் தேவையற்ற தொல்லைகளையும், நோய்களையும் கூட உண்டுப்பண்ண வாய்ப்புள்ளது. அதே போல ஒருவரின் இயற்கையான நிறத்தை எந்தவொரு பூச்சுக்களும் மாற்றிவிடாது, கன்னித் தன்மையையோ, இறுக்கங்களையோ வெறும் பூச்சுக்கள் கொடுத்துவிடாது.

சமூக ரீதியாக ஆராய்வோமானால் இதைப் போன்ற பூச்சுக்களால் பெண்களின் தன்னம்பிக்கை உயரப் போவதில்லை. கல்வியறிவு, வேலை வாய்ப்புக்கள் மற்றும் சமூக சம உரிமைகள் மட்டுமே பெண்களின் தன்னம்பிக்கையை உயர்த்தக் கூடியவை. இப்படியான முகத்தை, உடலை, பிறப்புறுப்பை வெள்ளையாகவோ அல்லது கன்னித் தன்மை பெற்றது போலவோ ஆக்கும் பூச்சுக்கள் வெறும் ஏமாற்று வேலை மட்டுமில்லாமல் அவர்களுக்குள் தாழ்வு மனப்பான்மையை ஏற்படுத்துவதோடு, ஆண்களுக்காக பலியாக்கப்படும் சரக்குப் பொருளாகவுமே பெண்களை மாற்றும். உங்களின் உண்மையான உடல் மற்றும் மனதை விரும்பக் கூடியவரே உண்மையான வாழ்க்கைத் துணைவர் ஆவார். அவரின் தேவைகளுக்காக உங்களின் உண்மை அடையாளங்களை மறைக்கவும், மாற்றவும் முற்படல் என்பது வேசித் தனமான ஒன்றாகும். சக மனிதனான ஆண்களும், பெண்களும் ஒருவரை மதிக்கவும், சமமாக அன்பு செலுத்தவும் கற்றுக் கொள்ள வேண்டும். ஒருவரின் தேவைக்களுக்காக மட்டும் இன்னொருவரின் அடையாளங்களைத் துறக்க வேண்டியதில்லை.

ஆண்களுக்கு சொல்லிக் கொள்வது என்னவெனில் மனிதன் என்பவர்களில் இவை ஒன்று மாத்திரம் உயர்வானது, மேன்மையானது என்றக் கருத்தியலை கைவிடுங்கள். உங்கள் முகங்களை முதலில் கண்ணாடிகளில் பார்க்கக் கற்றுக் கொள்ளுங்கள் – நீங்கள் எப்படி இருந்தாலும் ஏற்கும் மனோபாவம் பெண்களுக்கு இருப்பது போல அவள் எப்படி இருந்தாலும் ஏற்கும் மனோபாவம் உங்களுக்கு வரவேண்டும். பெண் என்பவள் ஆண்களின் அடிமையல்ல – உங்களுக்காக படுக்கையை பகிரவும், சம்பாதியத்தங்களை பகிரவும், உங்களின் தேவைகளையும், உங்களின் பிள்ளைகளின் தேவைகளையும் பூர்த்தி செய்யும் அட்சயப் பாத்திரம் இல்லை அவள். இரத்தமும், தசையும், சலமும், மலமும் கூடிய ஒரு மனிதப் பெண். அவளுக்கும் உணர்வுகள், ஆசைகள், சிந்தனைகள் இருக்கின்றன. அவள் ஒன்றும் ரோபோக்கள் இல்லையே !!!

திருமணத்தில் சக மனப் பொருத்தத்தை மட்டும் எதிர்ப்பாருங்கள் – நிறம், சாதி, மதம், பணம், கல்வி போன்ற வேற்றுமைகளை தூக்கி எறியக் கற்றுக் கொள்ளுங்கள். குறிப்பாக ஊடகங்களின் வியாபார உத்திகளுக்குள் பலியாகாதீர்கள். வெள்ளை நிறம் என்பது மானுடத்தின் ஒரு பகுதியே ! நாம் அனைவரும் கலப்பினமானவர்கள் – வெள்ளை, கருப்பு, மாநிறம் என கலந்துவிட்டவர்கள்.

சினிமா, விளம்பரங்கள் காட்டும் வெள்ளை நிற மாயைகளில் சிக்கி சின்னா பின்னாமாகாதீர்கள். அழகும், இளமையும் ஒருக் காலக் கட்டம் வரைக்கும் தான். இறுதிக் காலங்களில் முதிர்ந்த வயதில் அழகும், இளமையும் இல்லாமல் போன பின்னர் வெறும் அன்பும், அரவணைப்புமே நிலையான ஒன்று என்பதை மறவாதீர்கள். இன்றைய இந்தியாவில் வெள்ளை நிற மேன்மை முகம் முதல் பிறப்புறுப்பு வரை என்பது அதிகாரத்தின் அடையாளம், அடக்குமுறையின் அடையாளம் இவற்றை தகர்த்தெறிய வேண்டியக் கட்டாயத்தில் நாம் இருக்கின்றோம் என்பதையும் இங்கு பதிவு செய்கின்றேன்.

கன்னித் தன்மை பேணும் என்று உளறும் இந்த கிரீம்களை வாங்கி ஏமாற வேண்டாம். ஏனெனில் பெண் எப்படிப் பட்டவளாக இருந்தாலும் ஏற்கும் மனோபாங்கு உடையவனே உண்மையான ஆண் மகன். ஒரு ஆண் மகனால் ஒரு போதும் ஒரு பெண் கன்னியா இல்லையா என்பதைக் கண்டுப் பிடிக்கவே முடியாது. எத்தனை எத்தனை கிரீம்கள் போட்டாலும், சர்ஜரிகள் செய்தாலும் கூட ஆணால் கண்டறியவே முடியாது. அதிகப் பட்சம் கன்னித் திரை கிழிதலையே கன்னித் தன்மையின் அளவுக் கோலாகி வைத்துள்ளனர். அதுவும் மாயையே ! ஏனெனில் கன்னித் தன்மை உடைய பெண்ணுக்கு குருதி வராமல் இருப்பதும் உண்டு – கன்னித் தன்மையற்ற பெண்ணுக்கு குருதி வருவதும் உண்டு, வர வைக்கவும் முடியும்.

ஆகவே ! உடல் சார்ந்த கற்பு என்ற மாயை நிழலுக்குள் சிக்கிக் கொள்ளாதீர்கள். கற்பு என்பது மனம் சார்ந்த விடயமே ஒழிய ! உடல் சார்ந்தவையாக இருக்க முடியாது. உடலைப் பகிர்ந்தாலும் மனதளவில் வேறு ஒருவரோடு பிணைப்புடன் இருந்தால் உடல் தரும் கற்பின் சுகம் எல்லாம் குப்பைத் தொட்டியே.

மீண்டும் 18 என்ற இந்த பூச்சிற்கும், இதனை வெளியிட்ட அல்ட்ரா டெக் நிறுவனத்துக்கும் எமது கண்டனங்களை இங்கு பதிவு செய்கின்றேன்.

மாசெஸ் அமைப்பும் அதன் கண்டனங்களைப் பதிவு செய்கிறது.

Related Links

http://economictimes.indiatimes.com/features/brand-equity/ultratech-indias-vaginal-rejuvenation-cream-18again-ad-campaign-creates-furore/articleshow/15589358.cms

Read more: http://www.dailymail.co.uk/femail/article-2188637/Indian-Ultratech-cream-18-Again-promises-vaginal-rejuvenation-sparks-Twitter-outrage.html#ixzz24Fw3sXl

http://18again.com/product.php

http://www.kodangi.com/2012/08/After-fairness-cream-vaginal-tightening-cream-is-here-to-empower-the-Indian-woman.html#.UDR-psEgeYV

ஆக்கம்:

The author of IACTips

எனது பெயர் இக்பால் செல்வன். வங்கக் கடலோரம், வெயில் நிழல் தேடும், மக்கள் அலை மோதும், சென்னை மாநகரோடு இரண்டறக் கலந்த நான். இன்று கடல் தாண்டி வாழ்கின்றேன். தடைகள் பல வந்தும் – எனது எண்ணங்களை இத்தளத்தில் பகிர்ந்து வருகின்றேன்.

AIDWA wants ‘indecent’ ad withdrawn – AARTI DHAR (The Hindu)

“Demeaning to women; promotes racist stereotypes equating fairness with beauty”

Outraged over an advertisement of a cosmetic product depicting intimate details of a woman’s body, the All India Democratic Women’s Association (AIDWA) has demanded the Centre’s intervention to withdraw the clip being shown on some television channels and Internet.

In a statement issued here on Monday, the AIDWA has called for immediate action against sponsors of the advertisement for “Clean and Dry Intimate Wash”— a cosmetic product for women claiming to provide “freshness and fairness.”

“Deeply outraged”

“The AIDWA is deeply outraged by the visual depiction which shows the extent of the perversion of the company and the promoters of the ad. This advertisement in the name of personal care shows graphic and intimate details of a woman’s body which is demeaning and derogatory to women. It also promotes racist stereotypes equating fairness with beauty,” the statement said.

The advertisement constitutes an offence under Clause S3 of the Indecent Representation of Women’s Act, Section 292 of the Indian Penal Code and Section 67 of the Information Technology Act, 2000 along with the relevant rules and regulations, it said.

Demanding that the advertisement be withdrawn immediately, the statement said the association had taken up the matter with the Ministry of Information and Broadcasting seeking appropriate action against the advertisers, and the company concerned, as also for the formulation of a regulatory framework to prevent the proliferation of such portrayals of women in the media.

The AIDWA Media Monitoring Committee is filing a complaint against the advertisement and the agency responsible for it with the Advertising Standards Council of India, Shyamali Gupta, the association president said.

 

source: http://www.thehindu.com/todays-paper/tp-national/article3322379.ece

மாசெஸ் – பாலியல் சுரண்டல் மற்றும் பாலியில்வாதத்திற்கு எதிரான அமைப்பு – திட்ட முன்வரைவு மாதிரி (draft agenda)

M.A.S.E.S – Movement Against Social Exploitation and Sexism

மாசெஸ் பாலியல் சுரண்டல் மற்றும் பாலியில்வாதத்திற்கு எதிரான அமைப்பு திட்ட முன்வரைவு மாதிரி (draft agenda)

 பின்னணி: 

பாலியல் சுரண்டல் மற்றும் பாகுபாடு என்பது சமூகத்தில் பல்வேறு தளங்களில் செயல்பட்டு வருகிறது.  வெகுஜன ஊடகங்களின் வழியாக அதிதீவிரமாக இது கட்டிக்காக்கப் படுகிறது, போற்றபப்டுகிறது.  இவற்றை எதிர்ப்பதற்கான செயல்பாட்டை முன்னெடுத்துச் செல்ல ஒரு சிறு அமைப்பாக நாம் சேரவேண்டியுள்ளது.  மார்க்சிய சோஷலிசப் பெண்ணியப் பார்வை அதற்கு முறையான ஒரு கவனத்தை ஏற்படுத்தும் என்பதை கருத்தில் கொண்டு இவ்வமைப்பு உருவாக்கப்படுகிறது.  அதே போல் பெரியார், அம்பேத்கர் ஆகியோரின் சிந்தனைகளையும் இவ்வமைப்பு வழிகாட்டியாக ஏற்கிறது.  இது ஒரு இடதுசாரி, முற்போக்கு அமைப்பு.   அரசியல் இயக்கமாக செயல்படும் இயக்கங்கள் அன்றாட நிகவுகளுக்கு / பிரச்சனைகளுக்கு வினை புரிய வேண்டியிருக்கும் சூழலில் வெகுஜன ஊடக மாயையிலிருந்து மக்களை மீட்பதற்கான விழிப்புணர்வு ‘ஒரு முழு கவனத்தோடு’ எடுத்துச்செல்லப்படாமல் உள்ளது, குறிப்பாக பெண்ணியப் பாதையில். ஆகவே இவ்வியக்கம் சாதி, மத, இன, அரசியல் கொள்கைகள், கட்சிகள், இன்னும் இதர குழுக்கள் எனும் பாகுபாடில்லாமல் அணைவரும் பங்கு பெறக்கூடிய பெண்ணிய இயக்கமாக செயல்பட விழைகிறது. இவ்வியக்கம் பாலியல் சுரண்டல் மற்றும் பாலியல்வாதத்திற்கு எதிரான இயக்கமாக மட்டுமே செயல்படும். வெகுஜன ஊடகங்களின் பாலியல் சுரண்டலுக்கு அதிக அழுத்தம் கொடுக்கும். மற்ற சமூகப் பிரச்சனைகளுக்கெதிராக செயல்படும் இயக்கங்களோடு அவர் அவர் விருப்பப்படி தேர்வு செய்து கலந்துகொள்வது என்ற முடிவுக்கு விடப்படுகிறது.

இயக்கத்தின் நோக்கம்: 

1. பெண்கள், ஆண்கள், குழந்தைகள், மூன்றாம் பாலினத்தவர் மீது வெகுஜன ஊடகங்கள் நிகழ்த்தும் பாலியல் சுரண்டல் / அவமதிப்பு  குறித்தான விழிப்புணர்வை மக்கள் மத்தியில் பிரச்சாரம் செய்வது. அதற்கென சுயகட்டுப்பாட்டு பரிந்துரைகளை முன் வைபப்து.

2.  பெண்கள் விசயத்தில், பாலியல் சுதந்திரம் எனும் முதலாளித்துவ
சிந்தனையில் ஆணாதிக்க முரண்களை எடுத்துரைத்து வெகுஜன ஊடக மாயையிலிருந்து (குறிப்பாக திரைப்பட) மாயையிலிருந்து சமூகத்தை  மீட்பதற்கான விழிப்புணர்வு.

3. விளம்பரங்கள், தொலைகாட்சிகள், திரைப்படங்கள், மற்ற ஊடகங்கள் ஆகியவற்றை கண்கானிக்கும், கட்டுப்படுத்தும் அமைப்புகளிடம் சுயதணிக்கை விதிகளை பரிந்துரைக்கச் சொல்லிக் கோறுவது. அவையும் பயன்படாத சூழலில், இருக்கும் தணிக்க விதிகளில் திருத்தங்கள் கோறுவது.  தேவைப்படும் சூழலில் சட்டபூர்வ நடவடிக்கைகள் எடுக்கச் சொல்லி மனித உரிமை ஆணையத்தை, நீதித்துறையை அணுகுவது.

4.  பெண்களைக் கவர்ச்சியாக சித்தரிப்பது, அதேபோல் மாற்றுப் பாலினத்தவர், விளிம்பு நிலை மக்கள், மானுடத்தின் எப்பிறப்பையும் அவமதிக்கும் சித்தரிப்புகளைச் செய்யும் திரைத்துறையினர், மற்றோர் அரசியலில் பங்கெடுத்தால் பெண்கள் (விரும்பினால் மற்றவரும்) அவர்களை புறக்கணிப்பது எனும் முழக்கம்.

கவர்ச்சித் திணிப்பினால் ஏற்படும் பாதிப்பு: 

1.  பெண்கள் / மாற்றுப் பாலினத்தவர் இழிவுபடுத்தப்படுகின்றனர். வெறும் பாலியல் பண்டமாகவே நிறுவப்படுகின்றனர்.

2.  பெண்ணியம் பற்றிய, பெண் சுதந்திரம் பற்றிய தவறான கருத்தாக்கங்களை இவை பரப்புகின்றன அதனால் பெண் விடுதலைப் போராட்டங்கள் திசை திருப்பப் படுகின்றன.

3.  கவர்ச்சித் திணிப்பினால் பாலியல் உறவுக்கான ஆவல் தூண்டப்பெற்று,  அதற்கு வடிகால் கிடைக்காத பட்சத்தில் வெறியாக மாறி பெண்களுக்கெதிரான பாலியல் வன்முறையாகிவிடுகிறது. வன்புணர்ச்சிகள் அதிகமாகின்றன.  சிறுமிகளும் இதற்கு இலக்காகிறார்கள்.

4. பெண்களே பெண்களுக்கெதிராக திசை திருப்பப்படுகின்றனர்.

5.  மக்களின் அறிவு நிலைகள் மலிந்த பொழுதுபோக்கு உணர்வால்
மழுங்கடிக்கப்பட்டு சமூக முன்னேற்றம் தடைபடுகிறது.

வெகுஜன ஊடகங்கள் கட்டமைப்பு அரசியலில் முக்கிய பங்கு வகிக்கிறது, குறிப்பாக பெண்கள் / மாற்றுப் பாலினத்தவர் விசயத்தில் (பாலினவாதப் பார்வையில்). இனவாத, நிறவாத, உடலின் மாற்றுத் திறனை பலவீனமாகக் கண்டு அதன் மீது செலுத்தப்படும் பாலியல் பாகுபாடும் கவனத்துக்குறியது. அதற்கெதிரான எதிர்பு குரல்கள் இன்னும் தீவிரமாக முன்னெடுக்கப்படவேண்டும். இதையும் அழுத்தம் கொடுத்து பேசுவோம்.

இவ்வமைப்பின் மூலம் இது சற்று அதிகமாக, முழு கவனத்தோடு வெகுஜன ஊடக பாலியல் சுரண்டல் முன்னெடுக்கப்பட்டு, ஒவ்வொரு பாலியல் சித்திரங்களும் ஆவணப்படுத்தப்பட்டு, தொகுக்கப்படவேண்டும்,  (முந்தைய காலத்தினதும் கூட)
அச்சித்திரங்களுக்கெதிரான போராட்டங்களை இவ்வமைப்பு
மேற்கொள்ளவேண்டும்.. விழிப்புணர்வு ஏற்படுத்தவேண்டும்…

.ஊடகங்கள் அல்லாது சமூக தளத்தில் அத்தகைய பாகுபாடு, அவமதிப்பு,
சுரண்டல்களை இவ்வமைப்பு எதிர்க்கும்…போராட்டங்களை முன்னெடுக்கும், மற்ற அமைப்புகளுக்கு ஆதரவு தெரிவிக்கும் என்கிற வகையில் இதை நான் வடிவமைத்திருக்கிறேன்.  இதில் விளிம்பு நிலை பெண்களும், ஆண்களும் உள்ளடக்கம். மற்ற படிநிலைகளில் உள்ள ஆண்களுக்கெதிரான, மாற்றுப்பாலினத்திற்கெதிரான பாலியல் சுரண்டல்களும் உள்ளடக்கம்.

(இது துவக்கக் கட்ட வரைவு மட்டுமே…..)

இந்த அமைப்பில் இப்போதைக்கு தலைமைப் பொறுப்புக்கள் கிடையாது. உறுப்பினர்கள்,  வழிநடத்துபவர்கள் (Moderator), ஒருங்கிணைப்பாளர்கள், ஆலோசகர்கள் என்றே செயல்படுவோம். அடுத்த கட்ட நடவடிக்கைகள் சில:

செயல்திட்ட முன்வரைவு: 

1.  கருத்தியல் தளத்தில் வெகுஜன ஊடக சுரண்டல் பற்றிய விழிப்புனர்வை ஏற்படுத்துவது. (இதுவே முதன்மை நோக்கம். மற்ற பொதுத் தளங்களில் நிகழும் சுரண்டல்கள், கொடுமைகள் அமைப்பின் கவனத்திற்கு கொண்டுவரப்பட்டு உதவிகள் கேட்கபப்டுமாயின் அது எடுத்துக்கொள்ளப்படும். சூழலுக்கேற்ப இந்த அமைப்பு சாராமல் மற்ற அமைப்புகளோடு தனி நபராக பங்கெடுக்கலாம்.)

2.  அவற்றுக்கெதிரான எதிர்ப்புணர்வை பதிவு செய்யும் பிரச்சார / போராட்ட வடிவத்தை விவாதிப்பது.

3.  போராட்ட வடிவத்திற்கேற்ப தேவைகளை பட்டியலிடுவது.

4. தேவைகளை நடைமுறைப்படுத்தும் பொறுப்புகளை பகிர்ந்துக் கொள்வது.

5.  அமைப்புக்கான இறுதி செயல் திட்டம் வடிப்பது.

6. மாற்றுத்திரணாளிகள் மீதான பாலியல் சுரண்டல்கள், அவர்களிலும் பாலியல் அடிப்படையில் சுரண்டல், அவமதிப்பு, பாலியல் பாகுபாடு போற்றுதல் ஆகியவற்றை எதிர்ப்பது.

7.  இனம், மொழி, நிறம் அடிப்படையில் மேற்கொள்ளப்படும் பாலியல் சுரண்டல், பாலியல் அவமதிப்பு, பாலியல் பாகுபாடு போற்றுதல், ஆகியவற்றையும் எதிர்ப்பது.

8.  விளிம்பு நிலையில் உள்ள மக்கள் ‘ஒடுக்கப்பட்டவர்கள்’ என்ற
படிநிலையின் அடிப்படையில் அவர்கள்மீது நிகழும் பாலியல் சுரண்டல், பாலியல் அவமதிப்பு, பாலியல் பாகுபாடு போற்றுதல் ஆகியவற்றையும் எதிர்ப்பது.

9. ஆண்-பெண் இருமைவாத பாலியல் பாகுபாட்டின் அடிப்படையில் கூலி பாகுபாடு இருப்பின் அதையும் இவ்வமைப்பு எதிர்க்கும்,

10.  மாற்றுப் பாலினம், இனம், மொழி, நிறம், மாற்றுத் திறனாளி, விளிம்பு நிலை மக்களிலும் பாலியல்வாத அடிப்படையில் கூலி பாகுபாடு, வேலைவாய்ப்பின்மை, வாழ்வாதார சுரண்டல்கள் ஆகியவற்றை எதிர்க்கும்..

11.   முறைப்படியான ஆவணத்தொகுப்பிற்காகவும், நமது பணி, அது பேசும் பிரச்சனைகள் தொடர்பான இணைய வழி கல்விக்காகவும், தகவல் பரிமாற்றத்திற்காகவும் ஒரு வலைப்பூவைத் தொடங்குதல். (இது முடிந்து விட்டது https://masessaynotosexism.wordpress.com/)

12 .  ஆவணப்படுத்துதல் – இதற்கு முக்கியத்துவம் கொடுத்து – உறுப்பினர்கள் குறிப்புகளை (references) சேர்த்தல்,  பகிர்தல். ஆவணம் எனும்போது நடப்பு நிகழ்வுகள் மட்டுமல்லாமல் பண்டையக் காலம் முதல் இன்று வரை என்பதை நிணைவில் கொண்டு அப்போதைய பாலினவாத பிரதிபலிப்புகளையும் சேகரிக்க வேண்டும். (உ.ம்: பழைய விளம்பரங்கள், தொலைக்காட்சி நிகழ்ச்சிகள், புகைப்படங்கள், பத்திரிகைச் செய்திகள், படங்கள் – பட ரீல்கள், பழைய வீடியோ கேசட்டுகள், திரைப்பட கதாப்பாத்திரங்கள் பற்றிய கருத்து, சுவரொட்டிகள், இப்படி எதுவேண்டுமானாலும் இருக்கலாம். சமூக தளங்களில் நடந்த பாலியல் அத்துமீறல், கூலிப்பாகுபாடுகள்,
தொழிற்முறைப் பாகுபாடுகள் குறித்த குறிப்புகளாகவும் இருக்கலாம்.

13.  இந்த அமைப்பு பற்றிய அறிமுகக் குறிப்பும். திட்ட அறிக்கை சிறு குறிப்பும் பதியப்படும்.  அவற்றை உங்கள் நண்பர்கள் வட்டத்திற்கு (ஒத்த சிந்தனையுள்ள) அனுப்பலாம். முடிந்தால் சில பிரதிகள் எடுத்தும் இணைய வசதி அற்றோர் மத்தியில் கொடுக்கலாம். (முழு திட்ட அறிக்கை தயாரான பின்னர் சிறு பிரதி வெளியீடு குறித்து யோசிக்கலாம்).
இந்த அமைப்பு இன்னும் துவக்கக் கட்டத்தில் தான் உள்ளது, ஒரு முறைப்படியான கூட்டம் கூட்டப்பட்ட பின்னரே ஒரு ஒழுங்கமைப்பு (Organizational Structure), செயற்குழு ஆகியவை உருவாக்கப்படும். (இதற்கு ஒரு 6 மாத காலம் வரைகூட பிடிக்கலாம்).  அதுவரை தன்னார்வலர்கள் (Volunteers) என்ற வகையில் ஒத்த சிந்தனையுள்ள அணைவரும் ஒண்றிணைந்து பணிபுரிகிறோம்.   ஒவ்வொருவரின் அரசியல் நிலைப்பாடு வேறுவேறாக இருக்கலாம்.  இவ்வமைப்பில் பங்களிப்பு, ஆலோசனைகள் வழங்கும் அணைவரோடும் அவர்களின் எல்லா நிலைப்பாட்டிலும் அமைப்பின் நிறுவனரோ, அமைப்பின் உறுப்பினர்களோ உடன்படுகின்றனர் என்று பொருளில்லை. அதே நேரத்தில் முற்றிலுமாக ஒருவரை, ஒன்றை நிராகரிக்கும் போக்கும் இவ்வமைப்பில் இல்லை. நட்பு முரண்பாடு, பகை முரண்பாடு என்பதை இவ்வமைப்பு வழிமொழிகிறது.  அந்த வகையில் கருத்துமுதல்வாத, மதவாத, வலதுசாரி போக்குக்கு இவ்வமைப்பு துணை நிற்காது. அதேபோல் இடதுசாரி, மூற்போக்கு சிந்தனைகளில் விமர்சனம், சுயவிமர்சனப்போக்கு ஆகியவற்றையும் நட்பு முரண்பாடு எனும் வகையில் கணக்கில் கொண்டு இடதுசாரி, முற்போக்கு வமர்சகர்கள், அறிவுஜீவிகள், அரசியல் விமர்சர்கர்கள் ஆகியோரோடும் இணைந்து இவ்வமைப்பு பணிபுரிய விரும்புகிறது.

ஆலோசகர்கள்: மூத்த சமூக / பெண்ணியஆர்வலர்கள், எழுத்தாளர்கள் ஆலோசகர்களாக இருக்கின்றனர். அவர்களின் ஆலோசனையின் பேரில் முன்வரைவில் சில மாற்றங்கள் செய்யப்பட்டுள்ளன.  அவர்கள் பற்றிய விபரங்கள் முறைப்படியான ஒரு கூட்டத்தில் அவர்களின் அனுமதி பெற்றுப் பகிரப்படும்.

எளிமைபடுத்தி சொல்வதானால் இது ஒரு மனித உரிமை சார்ந்த அமைப்பு, ஒரு அரசியலமைப்பு வடிவத்தை இப்போதைக்கு கொடுக்கவியலாது. (This is not an NGO, Political Party, Alliance of any Political Group etc., As an Individual I have started this Movement out of my own concern and am seeking help from People who have similar concern. English Translation of this draft agenda will be posted shortly.)


HI HANDSOME..!! HI HANDSOME..!! SOME WHITE HETEROSEXUAL ANTI-QUEER POLITICS-FIGHTING HOMOPHOBIA,SISSYPHOBIA,TRANSPHOBIA AND THE ROLE OF FEMINISM – JACQUES JOHN JOANNE

Hmmm..in this democratic system, gender equality remains  upside down as shown in the picture,until some “hi handsomes hi handsomes” evolves….!!!!!

                                                                   -JACQUES JOHN JOANNE

Okay..!! well, you have guessed from the title itself that the essay is against the sissyphobia and transphobia portrayed by the fair and handsome ad by the emami. Well, look at the below pictures.


Well…now I feel you can guess what I wish to say here. The emami ad portrays a macho men with the moustache, applying a facial cream for women to him. The ad, makes a laugh out of this behaviour and the “hero” appears here and asking the macho men “so, now facial cream, then nail polish, then lipstick?” and suggests the macho man to apply “fair and lovely product”. So the macho, who had applied the fair and lovely cream now  turn “white and manly” and in the subsequent scene, a group of women dance around him singing “hi handsome..hi handsome”.

Okay..!! now, our essay starts with that “handsome macho hunk”. The handsome hunk portrayed here as handsome is the depiction of a politics of the white skin. A racial point of view. Being white is not necessarily called beautiful. Okay, if somebody is ready to criticise what I had wrote in the previous line, let them justify what is beauty and how the colour of beauty is white. It is such an racial expression of the human bodies, viewing them as white and turning to white is what called the turning to beauty or handsome.

The next line of thought is the role played by the hero. Yes, the ad had done a best job of representing what is the source from where one gets the ideas to turn “beautiful and  masculine”. This ad, thus via this way of thought is the beautiful depiction of the condition of society. This explains the hero is a corrupted soul, by the racial politics who just considers that being white is beautiful. This is an another form of “hero worship”, which if we follow through the line of this ad, reveals that a boy, remains feminine until the introduction of a hero, who makes him “beautiful and masculine”. This is a strategy employed in this ad, by which a observer is teached with some ways to make them “manly”.

Okay..!! now let we turn to the next criticism. Once the macho represented here, turned to a “beautiful,handsome,white and masculine”, he is surrounded by a gang of young girls, who sing and dance around them. Well, nice representation. Okay..!! what is the hidden homophobia here? A masculine body represented here is represented as the love object for the feminine one. But what is real? There exist, gay identities, bisexual identities, polysexual identities, pansexual identities etc, for which identities such an association of masculine only with feminine is erroneous. Yes this is real and what is nature.  A masculine body associated only with a feminine body is the politics of heterosexuality, where queer sexualities remains derivative or peripheral.

Well, then what is the hidden         transphobia and sissyphobia present here? Transphobic in the sense a feeling of hatred against the
transgenders and if we consider sissyphobia, it is the feeling of hatred against the sissy people or effeminate men. Okay.!!! The ad, is an example for the iteration of the gender performance concept by Judith Butler. The essentialistic aspect of gender is preserved here. There is no law which states that women should wear nail polishes or men shouldn’t wear that. Anything which just makes this law is the place where feminism and queer theory criticises. Effeminate men are widely discriminated even within queer community, and their quality of being “not-manly”, who deviate the traditional gender roles is widely considered as the heretic in the non-queer circles more widely.

Transpeople and sissy people violate the traditional gender roles. And the macho man here is criticised by the “hero” for being a effeminate. Oh dear readers, who reads this essay let me ask you one question….how a nail colored becomes non-beauty compared to a nail-non-colored? Some ridiculous logics woven in the sissyphobia. Even this is the logic that creates transphobia, where man born man, violate the gender enters the other gender, something which is hard to digest in a homophobic-racist-heterosexual-antiqueer-sissyphobic-transphobic socity..!!!

Hmmm..in this democratic system, gender equality remains a upside down as shown in the picture,until some “hi handsomes hi handsomes” evolves….!!!!!

References:

  1. http://thesmokingnun.files.wordpress.com/2011/12/macho-man.jpg
  2. http://ia700807.us.archive.org/zipview.php?zip=/28/items/olcovers78/olcovers78-L.zip&file=789093-L.jpg
  3. http://www.marketplace.org/sites/marketplace.org/files/styles/primary-image-610×340/public/WWW/data/images/repository/2009/07/28/20090728_fair_and_handsome_bottle_fix_18.jpg
  4. http://saavinudhadugal.blogspot.in/2012/02/blog-post_15.html
  5. http://www.facebook.com/photo.php?fbid=276500739074016&set=a.268283603229063.67482.100001422762991&type=3
  6. http://tinyurl.com/7qpb6gy

பெண்மையை இழிவுபடுத்தும் இமாமி முகப்பூச்சு விளம்பரத்தை தடை செய்ய வேண்டும்

மாசெஸ் அமைப்பு இமாமி முகப்பூச்சு விளம்பரத்தில் பெண்கள் இழிவு படுத்தப்படுவதைக் கண்டிக்கிறது.  நடிகர் சூர்யா மற்றும் நடிகர் ஷாருக்கான் நடிப்பில் ஒளிபரப்பப்படும் விளம்பரம் ஒன்றில் –  ஒரு பயிலாவன் பெண்களுக்கான முகப்பூச்சை பூசுவதை எள்ளல் செய்கிறது. அங்கு அவதாரமாக தோன்றும் சூர்யா / கான் அந்த பயில்வானை நோக்கி “ஐய்யோ இன்று பெண்களுக்கான க்ரீம், பிறகு நெயில் பாலிஷ், பின்னர் லிப்ஸ்டிக்கா” என்று கர்ஜிக்கவும், பயில்வான் தன்னை ஒரு பெண்ணின் உடையோடு கற்பனை செய்து பார்ப்பார். உடனே சூர்யா கையெடுத்துக் கும்பிட்டு “Fair & Handsome cream for men” உபயோகிங்க என்று ஆணையிடுவார். அதை உபயோகித்து வெள்ளையாகிவிடும் “ஆண்மை” நிறைந்த அந்த பயில்வானைச் சுற்றி தாவணி கட்டியப் பெண்கள் “ஹாய் ஹேண்ட்ஸ்ம், ஹாய் ஹேண்டஸ்ம்” என்று ஆடி பாடியபடி அவரை உரசிக்கொண்டு அவரது ‘ஆண்மையை’ போற்றுவர்.

இந்த விளம்பரத்தில் நாம் கவனிக்க வேண்டியது மீசை.  ஆண்மைக்கு அடையாளமாக சில மயிர்களை உயர்த்திப்பிடிக்கும் ஆணாதிக்கம், அந்த பயில்வானுக்கும், இந்தியில் ஷாருக்கானுக்கும் அதை செயற்கையாக ஒட்டி…அவர்களது ஆண்மையை எடுத்துரைக்கிறது.  சூர்யாவின் மீசை ‘சிங்கம்’ மீசை.

ஆணுக்கு பெண்ணைக் கவர்வதை விட்டால் வேறு வேலையே இல்லையா. கருமை நிறம் அத்தனை அவமானகரமானதா? பெண்மை என்பதும் ஆணாதிக்க கருத்தாக்கமே, அதை அவர்களே உருவாக்கி, அவர்களே எள்ளலும் செய்கின்றனர்.  பெண்கள் எப்பொழுதும் வெள்ளை நிறத்தோலையும், அழகான, வாளிப்பான ஆண்களைத் தான் விரும்புவர் என்பது பெண்களை இழிவு படுத்தும் ஒரு பிரச்சாரம். ஆண்மை பற்றிய ‘கட்டளைகள்’ ஆண்களுக்கும் மன அழுத்தம் கொடுப்பவை. பெண்ணால் நிராகரிக்கப்படுவது அவமானகரமானது என்று அவர்களை ஒரு தாழ்வு மனப்பான்மைக்குள் தள்ளுகிறது அது.

அந்த பிரச்சாரத்தில் பெண்களுக்கான முகப்பூச்சை பயன்படுத்துவது அவமானகரமானது என்பது போல் கர்ஜிப்பது வன்மையாக கண்டிக்கத்தக்கது.  அத்தோடு முகப்பூச்சு விளம்பரங்கள் அனைத்தும் நிறவெறி, இனவெறி, பாலினப் பாகுபாடு நிறைந்தவை என்பதை இங்கு சுட்டிக்காட்ட வேண்டியுள்ளது.  அதுமட்டுமல்லாமல் மூன்றாம் பாலினத்தவர் இழிவுபடுத்தப்படுவதற்கும் ஆண்மை, பெண்மைக் கருத்தாக்களே காரணம். இருமைவாதத்திற்குள்ளேயே விளம்பரங்களும், திரைப்படங்களும் தங்கள் கதைகளை உருவாக்குகின்றன. இது முற்றிலும் இயற்கைக்கு விரோதமானது. இருக்கும் தோற்றத்தை நிராகரித்து அழகூட்டிக்கொள்ளச் சொல்லும் அணைத்து பண்டங்களும் இயற்கைக்கு விரோதமானவையே.

ஆணாதிக்க முதலாளித்துவ பண்டங்கள் பெரும்பாலும் பாலினவாதத்தை, பிரிவினைவாதத்தை, இயற்கை நிராகரிப்பை முன் வைக்கும் விளம்பரங்கள் மூலமே சந்தைப்படுத்தப்படுகின்றன. இப்போக்கை இனியும் ஊக்குவிக்கக்கூடாது.

சமத்துவ சமுதாயத்தில், பெண் விடுதலையில் அக்கறையுடையோர் இவ்விளம்பரத்திற்கு எதிராக தொடங்கப்பட்டுள்ள பிரச்சாரத்தில் கையெழுத்திடுமாறு கேட்டுக்கொள்கிறேன்.  இவ்விளம்பரத்தை இமாமி நிறுவனம் திரும்பப்பெற வேண்டும்.  இல்லையெனில் நீதிமன்றத்த்தை அணுகவும் மாசெஸ் அமைப்பு தயங்காது.  அந்நிறுவனம் இவ்வெதிர்ப்பை பொருட்படுத்த நிறையே பேரின் கையெழுத்து தேவைப்படுகிறது.  ஆதரவு தெரிவியுங்கள் தோழர்களே.

கையெழுத்திட – https://www.change.org/petitions/director-emami-group-emami-group-stop-telecasting-gender-discriminating-bailwan-advertisement

மாசெஸ் அமைப்பில் இணைய தொடர்பு கொள்க – kotravaiwrites@gmail.com

முகப்புத்தக பக்கம்: http://www.facebook.com/pages/MASES-Movement-Against-Sexual-Exploitation-and-Sexism/280244415362023

m.a.s.e.s blog – https://masessaynotosexism.wordpress.com/